Këngëtari i famshëm, Michael Bolton i ka lënë fansat pa fjalë pasi gjatë një interviste live me “The Morning Shoë” të Australisë, e zuri gjumi.
Fituesi i çmimit Grammy u tha se po bënte një sy gjumë ndërsa moderatorët Larry Emdur dhe Kylie Gillies po tentonin të lidheshin me të. Në video duket qartë që kishte probleme teknike, por reagimi i Bolton ishte sërish i paparë.
“Ne po flasim me njeriun e madh Michael Bolton, i cili do na bashkohet live nga Florida. Mirëmëngjesi dhe mirëserdhe përsëri në emision”, tha Edmur.
Ndërsa Gillies u përpoq t’i tërhiqte vëmendjen duke i thënë: “Përshëndetje Michael. Jemi Kylie dhe Larry.”
Sytë e Bolton u hapën dhe ai u përgjigj: “Po bëhet qetësi” para se të mbyllte përsëri sytë.Dy moderatorët u detyruan të mbyllnin lidhjen direkte duke thënë se kishte probleme teknike. Ndërkohë Bolton ka reaguar në një postim në Tëitter, ku shkruan se në të vërtetë kishte probleme teknike.
“Pata marrëveshjen e parë për albumin kur isha 15 vjeç dhe që atëherë nuk më ka zënë gjumi. Seriozisht kishte çështje teknike më transmetimin live dhe ata më kapën në Tëitter! Patëm një intervistë të shkëlqyer pasi e rregulluan problemin”.
(VIDEO) Superyllin e muzikës pop, e zë gjumi në transmetim direkt
Lajme të lidhura
TË GJITHA
