Edhe pse numri i kultivimit të kanabisit në Shkodër është ulur ndjeshëm, ajo ende nuk ka dalë nga harta e zonave që kanë kultivimin më të lartë të kanabisit.
“ Është zvogëluar sasia e kanabisit por nuk u arrit objektivi për heqjen e qarkut nga harta e zonave ku kultivohet kanabis.Problem përveç zonave të evidentuara si problematike për kultivimin e kanabisit, problem na dalin dhe ambjentet e mbyllura ku kultivohet përmes energjisë”, u shpreh në takimine fundit, perfekti Çesk Millja.
Vehbi Bushati, drejtori I policisë së Shkodrës , ka folur për mbi 3-4 grupe kriminale, që funksionojnë si grup I strukturar kriminal.
“Shkodra ka zona me risk por fenomeni po zvogëlohet. Janë ulur mbi 20% rastet dhe është rritur zbulueshmëria e autorëve. Janë mbi 3 -4 grupe kriminale në Shkodër dhe funksionojnë si grup i strukturuar kriminal por tashmë janë në kushtet e minimales. Sivjet kishim miniparcela. Kujdes duhet ti kushtojmë ambjente të mbyllura nga serat, tunelet, qoftë dhe pallatet, pasi krimi kërkon metoda të reja.”, u shpreh Bushati
