Shumë pak kohë na ndajnë nga “El Clasico” dhe në oren 21:00 dy gjigandët e futbollit spanjoll do të zbresin në fushën e blertë.
Për këtë ndeshje ka pasur shqetësim të madh nëse Messi do të ishte gati apo jo, pasi u lëndua në duelin e së shtunës kundër Valencias (2:2). Prandaj ishte e diskutueshme nëse argjentinasi do të ishte gati për duelin e madh me Realin në Camp Nou.
Siç raportohet nga e besueshmja ‘cadena ser’, formacioni i sotëm i Barcelonës pritet të ketë surpriza, pasi askush tjetër përveç Ernesto Valverdes nuk e di nëse do startojë Leo Messi apo jo.Sipas të njëjtit burim është mësuar se Valverde nuk po planifikon të luajë me Messin si titullar pasi nuk dëshiron të rrezikojë në ndeshjen e parë gjysmëfinale të Kupës së Mbretit.
Mungesa e Messit në formacion pritet të sjellë ndryshime me Valverden që ka ideuar sulmin katalanas pa argjentinasin.
Treshja e sulmit të Barcelonës pritet të përbëhet nga Suarez, Dembele dhe Coutinho.
