Karriera e saj ka nisu si velinë, por tashmë bukuroshja bionde Viola Spiro është shndërruar në një gazetare të vërtetë sporti.
Së fundmi, moderatorja korçare braktisi “RTSH-në” për televizionin “Klan Plus” do të prezantojë një emision të ri të quajtur “Sport Plus.
Për “revistawho.com” ka treguar detajet e emsionit të ri si dhe për largimin e papritur nga RTSH-ja.
“Stafi i ‘RTSH’ është ndër më të mirët me të cilët unë kam bashkëpunuar. Pas 2 sezonesh të ‘Europa League’ dhe një botërori shumë të suksesshëm në ‘RTSH’ vendosa të pranoj ofertën e ‘Klan Plus’ që do pasurohet me programacion dhe unë do kem hapësirën time tek sporti. Do jem çdo ditë ‘live’ mbas edicionit qendror të lajmeve, me studio ‘Sport Plus’ ku do përcjell çdo lajm dhe ngjarje sportive edhe me të ftuar herë pas here. Është shumë i ngjashëm me transmetimet e ‘Sport Mediaset’. Kam mbi 5 vjet në fushën e sportit dhe e kam me shumë dëshirë të vazhdoj të qëndroj vetëm tek ky format”, ka deklaruar moderatorja.
