Nga Boldnews.al
Ndërsa vajza 14-vjeçare është ende e tronditur dhe nën kujdesin e psikologeve, dëshmitë mbi përdhunimin e saj nga tetë djem të shkollës “Rilindja” në Kavajë, vijojnë të trondisin oponionin publik, e njëkohësisht vërtetuar se institucionet shtetërore, duke nisur nga shkolla dhe përfunduar në polici, e “dhunuan” dyfish të miturën, pasi nuk reaguan në kohë.
Në adresën e Boldnews.al ka mbërritur dëshmia e një nxënësi që e njeh viktimën dhe historinë makabre të së miturës, që për tre muaj radhazi ra preh e epsheve shtazarake të tetë djemve. Boldnews.al e ka emrin e vejzës, por për arsye etike dhe mbi të gjitha në mbrojtje të të dhënave të viktimës, nuk mund ta publikojë, gjithashtu edhe një pjesë të historisë së treguar nga njohësi i vajzës dhe djemve të akuzuar është reduktuar, për shkak të përmbajtjeve të rënda.
“Unë këtë vajzën e njoh, ishte vajzë serioze në klasën e 8 shkolla ‘Rilindja’, ajo ra në dashuri me një djalë në shkollë dhe u lidh me të, më pas, kam mësuar se i kishte dërguar foto intime”-shprehet në dëshmi. Ato foto të dërguara nën ndjesinë e dashurisë u bënë shkaku i gjithë tragjedisë që erdhi më pas. Pikërisht në kohën kur djali mori në duar fotot intime i kërkoi të kryenin marrëdhënie seksuale dhe pavarësisht refuzimit të prerë të vajzës, në trysni të fortë psikologjike u detyrua të plotësonte dëshirën e “monstrës” me të cilin ishte dashuruar.
“Ai kërkonte marrëdhënie, por ajo nuk ka pranuar dhe më pas ai i bëri presion, duke i thënë: ‘nëse nuk vjen të më takosh në në Golem, atëherë unë do t’i nxjerr fotot nëpër Kavajë dhe do të të turpëroj”-thuhet në dëshmi. E ndodhur nën presin dhe në frikën e shpërndarjes së fotove intime, vajza detyrohet të kryejë marrëdhënie, por perversiteti i djalit nuk u mbyll me aq. “Ai e kishte regjistruar në telefon në video dhe ia kishte dërguar pamjet shokëve”-vijon më tej dëshmia.
Për gjithçka ndodhi më pas, jeta e vajzës minorene u fundos nga mënyra shtazarake që vepruan të tetë djemtë në grup. Me një video në duar ata e kërcënonin herë pas here dhe në gjendje shoku, vajza detyrohej të kryente marrëdhënie me tetë djemtë, të moshës 15-17 vjeç, në kohë të ndryshme.
Kjo ka zgjatur më shumë se tre muaj, ndërsa drejtoresha e shkollës, mësuesit apo psikologia nuk ishin në gjendje të shihnin dëshpërimin e vajzës. Gjithashtu, duke qenë se historia e saj kishte kaluar nga tetë djem, ata flisnin, madje mburreshin për atë që kishin arritur. Heshtja mbulonte institucionet, duke u “shurdhuar” me dashje para një ngjarje që vetëm “Rilindja”… mund ta kamuflojë.
