Nga Boldnews.al
Ministri më i veçantë i Europës, Gent Cakaj, që lëviz me “autorizimin” e kryeministrit kudo që shkon, po tregon që në ditët e para të detyrës se nuk është në gjendje të kuptojë rolin e tij dhe funksionin që ka Ministria për Europën dhe Punët e Jashtme. I pari që duhet të mbante qëndrim mbi “Firmosjen e protokollit të anëtarësimit të Maqedonisë së Veriut në NATO”, duhet të ishte zëvëndëministri i Jashtëm me autorizim ministri, Gent Cakaj. Dalja e fundit, plot emocione dhe me disa “gafa diplomatike” e ministrit të autorizuar Gent Cakaj ishte ajo e takimit të Ministrave të Jashtëm dhe të vendeve kandidate të BE-së të mbajtura mbajtura në Bukuresht në datat 31 janar-1 shkurt.
Ndonëse zhvillimet janë për vendin fqinj, Maqedoninë e Veriut, Cakaj si një “erudit” dhe një nga njerëzit më të lexuar sipas Ramas, duhet ta kishte kuptuar se kërkohet një qëndrim përshendetës për këtë zhvillim, për më shumë që aty jetojnë një popullsi e madhe shqiptare. Në mungesë të reagimit të Cakajt, ka një “dublim” nga ish-ministri Ditmir Bushati.
“Firmosja e protokollit të anëtarësimit të Maqedonisë së Veriut në NATO është dëshmit e triumfit të vlerave euro-atlantike në rajonin tonë.” -shkruan Bushati ndërsa shton se vizioni dhe përkushtimi i dëshmuar përmes dialogut të dy fqinjëve për tejkalimin e mosmarrëveshjes që mbajti pezull për gati 3 dekada perspektivën e intergimit euro-atlantik ja doli të lërë pas dasitë e së shkruarës dhe të projektojë një të ardhme më të sigurtë e begatë për rajonin, Europën dhe Aleancën e Atlantikut të Veriut.
“Përgëzime të gjithë atyre që punuan për të bërë të mundur këtë arritje historike, veçanërisht faktorin politik shqiptar në Maqedoninë e Veriut që vijimësisht ka punuar për ankorimin në rrjedhat euro-atlantike. Shqipëria mbështet gjithnjë një multietnike, demokratike, të kyçur në #NATO dhe #BE. #WeAreNATO” – përfundon Bushati.
Një qëndrim korrekt dhe mëse i duhur nga Bushati, që u pasua edhe nga reagimi i Ministres së Mbrojtjes Olta Xhaçka dhe nga kreu i shtetit Ilir Meta. Në një lloj forme, “adetet diplomatike” janë bërë, por ajo që vihet re është pikërisht mungesa e reagimit të Ministrisë së Europës dhe Punëve të Jashtme, e konkretisht nga titullari Gent Cakaj.
Lënia në duart e 28-vjeçarit e diplomacisë shqiptare që tani po shoqërohet me pikëpyetje të mëdha në lidhje me aftësitë dhe rolin e tij në proceset integruese, për më shumë në këto muaj të ethshme ku vendi pret të kalojë në lupën e madhe të vendeve të Bashkimit Europian në muajin qershor, për pranimin ose jo të Shqipërisë si vend kandidat për në BE.
