Eloida Aliaj një 18 vjeçare me sindromën Doën ka filluar punë në profesionin e vetë edhe pse ajo është me një sëmundje e cila të privon të bësh shum gjëra kjo nuk e ka penguar atë të ndjekin rrugëtimin e saj.
Eloida ka filluar të punojë si asistente e një nga stomatologët e qytetit të Ferizajt.
Ajo është shprehur se kjo punë ka qenë ëndrra e saj. Stomatologu Burim Buzhala I cili I hapi dyert dhe I realizoj ëndërrën kësaj 18 vjeçareje. Ai shprehet se sot Eloida është ndihmësja më e mirë që një doctor mund të këtë.
Buzhala ka thënë se punësimi i Eloidës ka qenë ndjenja më e mirë që e ka pasur ndonjëherë.
“Së pari Eloidën e kam njohur si paciente. Pastaj duke menduar se sa janë të shtypura kategoritë e tilla që kanë nevojë për mbështetje, më lindi ideja dhe mora iniciativë për ta punësuar. Natyrisht për të dhënë mesazh jo vetëm te kolegët, por edhe te profesionet e tjera… Është shumë entuziaste. Edhe neve po na emocionon me dëshirën për punë. Po na pëlqen iniciativa që merr. Sapo ulet pacientja, vendos dorezat, na sjell edhe neve dorezat”, deklaroi Burim Buzhala.
Nëna e saj, Indira Alijaj ishte shoqëruesja më e mire përgjatë gjithë këtyre viteve, e cila e ka përcjellë në çdo hap.
Ajo ka thënë se tashmë është nëna më e lumtur në botë.
“Ky lajm për ne ka qenë shumë i mirë dhe shumë emocionues. Eloidën e kam dërguar gjithmonë në çdo aktivitet dhe nuk kam dashur që të jetë e mbylltë për shkak se njerëzit duhet ta shohin që edhe këta i përkasin kësaj bote. Le të shohin njerëzit që edhe këta dinë dhe ja dalin. Por, lajmi më i mirë ka qenë kur jam njoftuar nga doktori që do të punësoj si asistente në klinikën e tij. Ka qenë surprizë për Eloidën… Kisha pasur dëshirë që të jetë mesazh për të gjithë që kanë mundësi, çdo institucion të përkrahë këta persona me nevoja të veçanta”, shprehet Indira Alija.
Eloida Alija, me plot gaz, endej nëpër korridorin e klinikës, sepse tashmë ajo po jetonte ëndrrën e saj./RTV Dukagjini/Telegrafi/
