Ministrja e Transporteve dhe Energjitikës Belinda Balluku është shprehur se do vazhdojë shembja e godinave që pengojnë projektin e rikonstruktimit të rrugës te “Unaza e Re”, në kryeqytet.
“Prishjet e godinave që pengojnë projektet do vazhdojnë sipas ligjit”, u shpreh ministrja në një deklaratë për mediat, duke theksuar se projekti nuk mund të anulohet, por mund të ketë modifikime.
“Loti i dytë dhe i tretë vazhdojnë sipas procedurave të kryera. procesi i shpronësimeve, është në vijim sipas ligjit. Familje në mes të katër rrugëve edhe kur s’kanë dokumente pronësie, s’do të ketë”, tha ajo.
Balluku njoftoi një tryezë me bashkinë e Tiranës dhe ekspertë për projektin, dhe la të hapur mundësime e ndryshmeve në projekt. Por, gjatë fjalës së saj, ministrja, nuk përmendi në asnjë çast banorët e zonës, që janë drejtpërdrejtë të prekur nga projekti.
Projekti i Unazës ka çuar në një përplasje institucionale Presidencën dhe Kryeministrinë. Dy ditë më parë, kreu i shtetit Ilir Meta kërkoi anulimin e projektit dhe nisjen e një të riu, duke argumentuar se shumë procedura ligjore shkelur. Ndërkohë, kryeministri Edi Rama e quajti Presidentin, “drejtuesin më serioz i opozitës”.
Ndërkohë, prej disa muajsh, banorë të Unazës së Re protestojnë çdo ditë, kundër projektin. Ata janë kundër prishjes së banesave të tyre dhe e cilësojnë projektin korrupitv.
/Boldnews.al/
