Pas Fidan Alitit, nga Skënderbeu është larguar edhe sulmuesi vlonjat Ardit Hoxhaj. 24-vjeçari ka ndërprerë sot marrëveshjen e bashkëpunimit me kampionët në fuqi dhe tashmë është një lojtar i lirë.
I çuditshëm është fakti që “divorci” ka ardhur disa ditë pas mbylljes së merkatos, ndërkohë që Hoxhaj u aktivizua si titullar në sfidën e fundit ndaj Kastriotit.
Në të kaluarën e tij futbollisti vlonjat është aktivizuar me Flamurtarin, Korabin, Bylisin. 24-vjeçar ka qenë pjesë e Skënderbeut prej vitit 2016, por nuk arriti të linte gjurmë.
Nuk dihet ende e ardhmja e sulmuesi, por me shumë mundësi ai do të transferohet diku jashtë, pasi merkatoja në Kategorinë Superiore u mbyll më 31 janar.
