Edhe pse në kundërshtim me protokollin e shtetit, për ditët në vazhdim vendi do të qeveriset vetëm nga zv.kryeministri Erion Brace. Mësohet se 3 krerët drejtues të shtetit do të angazhohen njëkohësisht në vizita jashtë shtetit, duke thyer kështu edhe rregullin.
Protokolli parashikon që vizitat jashtë vendit të krerëve drejtues duhet të paralajmërohen për të akorduar lëvizjet e tyre me qëllim prezencën e të paktën njërit prej tyre, por me sa duket respektimi i ligjit nuk ka shumë rëndësi për drejtuesit.
Burime nga Presidenca bëjnë me dije se Ilir Meta do të udhëtojë drejt Shteteve të Bashkuara të Amerikës me ftesë nga homogu i tij Donald Trump për t’ju bashkuar Lutjes së Mëngjesit ndërkohë që kreu i qeverisë Edi Rama, do të jetë në Emiratet e Bashkuara deri më datë 7 shkurt.
Në të njëjtën kohë edhe Kreu i Kuvendit, Gramoz Ruçi, ndodhet në Gjermani në kuadër të axhendës së tij me takimet e ndërkombëtarëve, i shoqëruar edhe nga Kreu i grupit Parlamentar Socialsit, Taulant Balla. /Boldnews.al/
