Makina me të cilën udhëtonin autorët e vrasjes së Arben Bilalit mesditën e 30 janarit, është gjendur rreth 1 orë më vonë e braktisur në zonën e Mjull-Bathores.
Pasi kishin arritur të kryenin vrasjen, me makinën tip benz CLS me targaAA757RU (i përkisnin një mjeti tjetër fiat), autorët ishin larguar në drejtim të lundrës, por pa vajtur tek rrethrrotullimi i tegut ata kanë ndeshur përballë Forcën e posacme operacionale të policisë që po kryente në atë kohë një operacion antidrogë për llogari të prokurorisë durrës ku u kapën 5 kg heroinë dhe u arrestuan 3 persona.
Nën frikën se po ndiqeshin nga policia autorët kanë braktisur makinën në dalje të zonës së quajtur “mjull-bathore” dhe janë larguar me shpejtësi në këmbë.
PAs marrjes së sinjalizimit për gjetjen e mjetit të braktisur, pas kontrolit policia ka gjetur brenda mjetit një automatik kallashanikov, plumba të paplasur dhe sende të tjera me vlerë për hetimin.
Me qëllim zhvillimin e hetimeve intensive për zbardhjen e elementëve me vlerë prove për ngjarjen, automjeti është transportuar drejt laboratorit të policisë shkencore të drejtorisë së tiranës.
Ndërsa kapja e mjetit është e mbajtur e fshehtë për publikun për arsye hetimore.
Arben Bilali u ekzekutua me 14 plumba pranë banesës së tij në zonën e “Selitës” në tiranë , pak sekonda pasi kishte zbritur nga makina e një miku të tij. Ngjarja dyshohet të jetë kryer për hakmarrje.Bilalit më herët përgjatë viteve 1998 dhe 2010 i kanë vrarë dhe dy vëllezër të tjerë.
/sosnews.al/
