Komisioni i medias është mbledhur këtë të hënë për të diskutuar kërkesën e Asamblesë së Pedagogëve të Universitetit të Tiranës, të cilët kërkuan debat në këtë komision parlamentar për ligjin e Arsimit të Lartë.
Mbledhja është shoqëruar me debate dhe me dy qëndrime. Deputetë të opozitës u shprehën pro kërkesës së tyre, ndërsa mazhoranca nuk ishte dakort.
Kryetarja e Komisionit Albana Vokshi shprehu mbështetje për kërkesën e pedagogëve.
“Ato të asamblesë janë profesorë të nderuar. Ftesa është mos i shihni si armiq se jnaë për të mirën e përbashkët”.
Ndërsa deputetja e LSI-së Kejdi Mehmetaj, në përgjigje të replikave të deputete Socialiste Milva Ekonomi, u shpreh se “s’duhet të kemi frikë të dëgjojnë” pedagogët. /Boldnews.al/
Debatet
Luçiano Boci: Unë nuk e kuptoj. Ne kemi detyrën publike t’u dëgjojmë. Me do të dëgjojmë pedagogët për interesin që kanë për universitetin. Ne përfaqësojmë këtu interesin publik. Asambleja është thirrur me 1/3 e firmave. Ne menjëherë duhet t’i pranojmë dhe t’i dëgjojmë.
Milva Ikonomi: Ne morën një vendim dje që do të thërrasim në dëgjesë Asamblenë e Personelit Akademik.
Albana Vokshi: Greva ju ka çorientuar komplet, ne në komision jemi të detyruar t’i dëgjojmë. Organizatorët e asambleve janë profesorë të ndryshëm që nuk kanë të bëjnë me partitë politike. Çdo dekanati çdo rektorati do t’i shkojë ftesa për ta dëgjuar. Sot jemi këtu për t’ju përgjigjur Asamblesë së Pedagogëve.
Kejdi Mehmetaj: Ne dje ramë dakord që të bëjmë disa dëgjesa. Asnjëra nuk e përjashton tjetrën dhe unë nuk e kuptoj se kush janë ata që na detyrojnë të thërrasim njërin dhe jo tjetrin. Që këtu ne po e vrasim autonominë e universiteti duke u marrë edhe mungesat. Ne kemi detyrimin t’i dëgjojmë , por kjo nuk e përjashton që të çojmë nesër një ftesë për senatet dhe dekanët.
