Konferenca e rradhës e OKB ‘Një cështje për njerëzimin’ mbajtur në New York, ka shënuar një incident diplomatik për përfaqësinë shqiptare atje.
Gjatë fjalës përshëndetëse, Ambasadorja për Shqipërinë në OKB, Besiana Kadare është përplasur me konsullen e Kosovës. Teksa kjo e fundit është përpjekur të nxjerrë në pah mbështetjen dhe kontributin e shqiptarëve të kosovës në mbrojtjen dhe strehimit e hebrenjëve gjatë Luftës së Dytë Botërore, zonja Kadare nuk ka pranuar as ta dëgjojë homologen e saj duke e injoruar ambasadoren e Kosovës në New York, Teuta Sahatqija.
Ambasadorja Sahatqija, ka tentuar disa herë në këtë konferencë ta bëjë të paktën një pyetje, për pjesën e kohës që ishte dedikuar vetëm për pyetje nga audienca, por, edhe kjo i është mohuar.
“Pasi që ambasadorja Kadare, ka përcaktuar se kush flet, kam tentuar disa herë të paktën ka bëjë një pyetje, kur e kam ngritur dorën të kërkoj fjalën, për një pyetje, por edhe kjo më është mohuar”, theksoi Sahatqija.
Ndërkohë nga ana e palës shqiptare, Besiana Kadare nuk ka dhënë asnjë shpejgim lidhur me këtë incident duke u fokusuar vetëm tek mesazhi që donte të përcillte Shqipëria në këtë konferencë.
