Papa Francesku ka mbërritur mbrëmjen e djeshme në Emiratet e Bashkuara, duke bërë ndalesën e parë në Abu Dhabi. Ai do të marrë pjesë në Konferencën Ndërfetare që do të mbahet këto ditë në Arabi, ndërkohë që ditën e martë pritet të mbajë dhe një Meshë madhështore me pjesëmarrjen e 120,000 personave.
Edhe pse i mirëpritur nga sheikët dhe njerëzit me të pushtetshëm të Arabisë, Papa ka bërë thirrje për paqe dhe ndalimin e luftrave në Jemen.
“Popullsia në Jemen është e lodhur nga konflikti i gjatë dhe një numër i madh i fëmijëve po vuajnë nga uria, por nuk mund të hyjnë në depo ushqimore”, tha Papa. Emiratet e Bashkuara Arabe janë shtëpi për gati një milion katolikë , shumica prej tyre nga Filipinet apo India.
Burime i thanë agjencisë së lajmeve AFP se vizita e Papës “hap dyert për biseda rreth tolerancës që e gjithë bota duhet të dëgjojë”. /Boldnews.al/
