15 persona janë asfiksuar nga tymi i flakëve që shpërthyen në apartamentin e katit të shtatë të pallatit në lagjen nr 1 në Durrës, konfirmon Policia e Durrësit.
Policia njoftoi se zjarri në banesën e shtetit V.L. ra rreth orës 22:50 minuta të së dielës, 3 shkurt 2019.
“Menjëhërë në vendngjarje shkuan forcat e Policisë dhe të Zjarrëfikses, të cilët gjatë përpjekjes për te evakuuar banorët, nga tymi janë asfiksuar 10 banorë, 4 punonjës Policisë dhe një punonjës i Zjarrëfikses, të cilët u dërguan në Spital dhe pas marrjes së ndihmës mjeksore janë larguar në banesat e tyre pa probleme për jetën”, informoi policia e Durrësit
Nga hetimet paraprake, dyshohet se zjarri ka rënë si pasojë e një shkëndije në një dyshek elektrik.
Vijon puna për zbardhjen e plotë të shkakut të rënies së zjarrit.
Digjet apartamenti në katin e shtatë, banorët e pallatit në panik, 21 persona në spital (VIDEO)
