Studentët e Universitetit “Luigj Gurakuqi” në Shkodër janë përballur pak minuta më parë me Rektorin e fakultetit të tyre, Adem Bekteshin duke i penguar hyrjen për në zyrën e tij. Ky i fundit sapo është njoftuar për bojkotimin e procesit mësimor ka tentuar të hyjë në ambjentet e fakultetit për të shpërndarë studentët.
Studentët nuk kanë pranuar kurrësesi që as pedagogët e as rektori të hyjë në ambjentet e faklultetit duke bllokuar çdo mundësi të mundshme. Por, me sa duket kjo gjë ka shkaktar edhe tension mes tyre.
Një nga studentët ka paralajmëruar rektorin se shumë shpejt të gjitha aferat e tij korruptive me tenderat për kaldajat, abuzimet me diplomat dhe pastërtinë e figurës së tij si akademik me diplomë falloc do të dalin në dritë.
Rektori Bekteshi u ka kërkuar studentëve të marrin pjesë në mbledhjen e orës 12.00 ditën e sotme por sërish ata kanë refuzuar duke mos pranuar asnjë lloj komunikimi përvec plotësimit të të gjitha kushteve të përmendura edhe nga kolegët e tyre. /Boldnews.al/
https://streamable.com/ticc5?fbclid=IwAR1-9OoRvWr33TOIv6zAixA4MX33_qdtKf_mAWYoMOeQJ9CR_rCeoKFZ6C4
