Kreu i Institutit të Shëndetit Publik, Silvia Bino ka sqaruar se shkak i vdekjes së dy personave është bërë një virus dhe jo gripi i Dërrit.
Gjithashtu ajo u bën thirrje të gjithë qytetarëve që tq vaksinohen, por ju sugjeron që të mos shkojnë në QSUT pasi rrezikojnë të preken nga fruthi.
Janë dy sëmundje që transmetohen nëpërmjet rrugëve respiratore. Bëj thirrje që gjatë kësaj periudhe, persona që dyshohen për fruth të mos shkojnë në QSUT. Virusi i fruthit është më ngjitës sesa ai i gripit”, u shpreh më tej Bino.
“Gripi në Shqipëri ka intensitet mesatar por në rritje. Dy javët e fundit kemi një rritje të shpejtë të rasteve me grip. Kjo vihet re në rastet aspiratore akute. Janë rreth 19 mijë raste. Virusi i gripit është AH1N1. Situata është e ngjashme me vendet në rajon; Itali, Maqedoni, veç Greqisë që ka një rritje më të shpejtë të qarkullimit të gripit. Deri tani janë dy raste, ndërsa një i tretë po verifikohet. Ata kanë ndërruar jetë pranë spitalit “Shefqet Ndroci”, u shpreh Bino.
“Ne jemi në sezonin e gripit. Kemi qarkullim të gripit me intensitet mesatar. Nuk është grip Derri. Nuk ka asgjë të pazakontë. Është virusi sezonal dhe është përfshirë në vaksinën e gripit. Studime që kanë ardhur nga Kanadja, tregojnë një efektivitet të vaksinës. Inkurajoj të gjithë njerëzit që të vaksinohen.
