Ditën e sotme pedagogët e Universitetit të Tiranës kanë zhvilluar një takim për plotësimin e kërkesave të studentëve dhe pedagogëve. Më herët ata u shprehën se ministraja e Arsimit nuk ka dhënë asnjë reagim për zgjidhje e çështjes që i kanë paraqitur si studentët ashtu edhe pedagogët.
Në përfundim, janë zbardhur edhe konkluzionet e mbledhjes së Asamblesë së pedagogëve që është mbajtur paraditen e sotme.
Konkluzionet
“Të themelohet sindikatë për të mbrojtur pedagogët. Deri në një reagim të përgjegjshëm të Ministrisë së Arsimit dhe Ramës i drejtohemi asambleve të fakulteteve të analizojnë situatën. Urojmë që asambletë të ndjekin shembullin e disa fakulteteve. Deri tani kemi 4 vendime të asambleve ku thonë se ligji i arsimit të lartë të rrezohet. Të themelohet sindikatë për të mbrojtur pedagogët”, shprehen pedagogët.
Vendimet:
Rikonfirmimi i kërkesave të bëra më herët
U bëjmë thirrje të gjitha asambleve që të mbajnë një qëndrim për ligjin e arsimit të lartë, dhe u kërkojmë që të bashkohen me vendimin e asambleve që janë për grevë.
I kërkojmë të gjitha autoriteteve të mbajnë qëndrim konseguent për ligjin e arsimit të lartë në përputhje me vendimet e asambleve (Senatit, Rektorit)
Ftojmë trupën akademike që te kontribuojnë dhe të kenë një angazhim sindikalist.
Ngritja e një grupi pune për ligjin e Arsimit të Lartë (që të diskutohen gabimet dhe si mund të bëhen) Grupi i punës të bëjë një dokument me oponencë për ligjin.
Kërkojmë debat me komisionin e Edukimit dhe të Mediave për ligjin e Arsimit të Lartë.
Ndërkohë bëjmë me dije se gjatë paradites së sotme është zhvilluar gjithashtu edhe greva e disa pedagogëve dhe studentëve të Fakultetit të Shkencave Sociale.
