Përditësuar/ Mazhoranca rrëzoi me 10 votat e saj në Komisionin e Ligjeve dekretin e presidentit Ilir Meta për noterinë. Votimit i parapriu një debat mes mazhorancës dhe opozitës, ku kjo e fundit kërkoi që të merren seriozisht argumentet e Presidentit për kthimin e ligjit.
Pak ditë më parë, Meta për rishqyrtim projektligjin për noterinë me argumentin se ai ka mangësi ligjore dhe nuk është në përputhje me Kushtetutën e vendit. Por, maxhoranca ka vendosur që dekretimin e Metës ta rrëzojë, duke lënë ligjin në fuqi ashtu siç e kanë miratuar në seancë plenare.
Kryeministri Edi Rama, gjatë një emisioni televiziv është shprehur se sipas Kushtetutës, Presidenti nuk ka të drejtë të ktheje për rishqyrtim në Kuvend ligje të miratuara nga parlamenti. Argument ky është kundërshtuar nga Meta.
Një ditë më parë, mes kreut të qeverisë dhe kreut të shtetit pati një përplasje pasi Meta kërkoi anulimin e projektit për rikonstruktimin e rrugës te Unaza e Re dhe rihapjen e një procesi të ri. /BN/
