Jennifer Lopez i ka bërë një dedikim vërtet special partnerit të saj, Alex Rodriguez. Ata festojnë sot 2-vjetorin e dashurisë së tyre dhe këngëtarja ka treguar se ndihet vërtetë me fat për personin që ka në krah. Në një postim në Instagram ylli i popit shprehet se gjatë dy viteve me Alex e bën të ndihet si një adoleshente dhe ajo ndihet e bekuar pranë tij.
“Dy vjet buzëqeshje, dy vjet qejf, dy vjet aventura, dy vjet rritje dhe leksione, dy vjet miqësi të vërtetë. Dhe aq shumë dashuri !! Ti e bën botën time një vend më të bukur, të sigurt dhe të qëndrueshëm … në mes të jetës sonë gjithnjë në ndryshim, gjithnjë në lëvizje … më bën të ndihem si një adoleshente që fillon nga e para…
Çdo herë që unë mendoj se të kam kuptuar, ti më befason në mënyrën më të mrekullueshme duke më kujtuar sesa e bekuar jam që të kam gjetur tani në këtë moment, në këtë kohë… kohën tonë … Të dua Macho” shkruan Jennifer Lopez krahas postimit në Instagram.
