Kreu i Lëvizjes Vetëvendosja në Kosovë, Albin Kurti ishte i pranishëm sot në ambjentet e Fakultetiti të Shkencave Sociale Tiranë në mbështetje për grevën e studentëve, duke e konsideruar të drejtë protestën e tyre dhe njëkohësisht lëshuar sinjalin se politikat e ndjekura nga Rama po çojnë vendin drejt katastrofave.
Në një intervistë për mediat ai bëri deklarata të forta kundër këshilltarit të Edi Ramës, Baton Haxhiut duke e quajtur jo vetëm si një nga njerëzit më të urryer në Kosovë por edhe një njeri të lidhur me shefin e Shërbimit Sekret Shtetëror të Serbisë.
Gazetari: Çfarë raportesh do të sjellë në raportet e jashtme të Kosovës vendosja e një njeriu të tillë si Gent Cakaj në krye të ministrisë së Jashtme, delegimi pra njeriu i Baton Haxhiut?
Albin Kurti: Baton Haxhiu është një ndër njerëzit më të urryer në Kosovë për shkak të lidhjeve të tij me shefin e Shërbimit Sekret Shtetëror Serb, i cili i ka formuar edhe “Tigrat e Arkanit” edhe shkorpjonët, edhe Beretat e Kuqe, tri formacione famëkeqe që kanë bërë masakra në Kroaci, Bosnje dhe në Kosovë dhe ky person të ketë kaq shumë ndikim, nuk ka shpjegim ndryshe, përveçse vazhdon shteti i Serbisë të qëndrojë pranë tij.
