Moti i paqëndrueshëm dhe erërat e forta që kanë pushtuar thuajse të gjithë vijën bregdetare në vend kanë shfaqur edhe pasojat e para. Në qytetin e Vlorës, era e fortë ka dëmtuar fiderin ‘Vlora1” me një fuqi prej 6 KV, duke rrëzuar shtyllat elektrike.
Këto dëmtime kanë shkaktuar pasoja të rënda duke qenë se nga kjo linjë furnizohej me energji elektrike edhe një pjesë e mirë e Spitalit Rajonal të Vlorës.
Në terren janë paraqitur menjëherë edhe ekipet e punës, të cilët po bëjnë të mundur rikthimin e gjendjes në stabilitet edhe pse kushtet atmosferike dhe isntalimet e amortizuara, duket se e vështirësojnë punën.
Aktualisht rajonet më të prekura nga defektet janë Fieri dhe Vlora, për shkak të motit të keq me shira dhe erëra të forta që ka përfshirë vendin gjatë natës së mbrëmshme e duke vazhduar gjatë mëngjesit të ditës së sotme. Defektet jane kryesisht të llojit, këputje përcjellësash,thyerje izolatorësh, dëmtime kabllosh, etj. Ndërkohë që OSHEE njofton se vazhdon puna për riparimin e menjëhershëm të të gjithë defekteve që janë shkaktuar duke qenë edhe më alert ndaj ngjarjeve në vazhdim. Megjithatë, zonat rurale ku infrastruktura nuk u jep mundësinë të vazhdojnë punimet për shkak se ndërjyrjet e kryera derimë tani kanë qenë më së shumti ‘shkel e shko’.
/Boldnews.al/
https://streamable.com/zcse0?fbclid=IwAR2EgrKgcQkVK-2hwA79_PlJlJMTN4BM7Q7pJ9tzpNvS4WGHEuJv0yMvCCs
