Përmbyset varka në liqenin e Shkodrës, humbin jetën 4 persona

Katër persona kanë humbur jetën në liqenin e Shkodrës, pasi varka e tyre u përmbys si pasojë e një stuhie.

Lajmi raportohet nga Vijesti, i cili i referohet dëshmisë së Radojica Rasovic, i cili ka mundur të shpëtojë nga kjo tragjedi.

Tre prej viktimave i përkasin familjes malazeze Zeta, ndërsa i katëri është një djalë i ri nga Podgorica.

Nga raportimet mësohet se viktimat janë një çift dhe vajza e tyre, ndërsa personi i katërt humbi jetën në tentativë për t’i shpëtuar.

Varka kishte rreth 9 persona, të cilët kishin shkuar në Manastrin Vranjina, por të tjerët arritën që të dalën në breg, duke shpëtuar.

Ekipet e shpëtimit janë ende në vendin e ngjarjes.

Në operacion u angazhua edhe një helikopter, ndërsa po punohet për gjetjen e trupave të viktimave.