Gjykata e Durrësit ka lënë në burg 7 adoleshentë, të cilët akuzohen se përdhunuan një 13-vjeçare në një shkollë në Kavajë.
Ngjarja ka ndodhur në shkollën 9-vjeçare “Rilindja”. Adoleshentët, lindur mes viteve 2002-2004, mbi të cilët rëndon akuza e “marrëdhënie seksuale me të mitur” janë arrestuar pas denoncimit se kanë abuzuar me vajzën e mitur, ndërsa gjykata dha sot masën e sigurisë për ta.
Lidhur me ngjarjen, është shpallur në kërkim një 15 vjeçar.
Policia e Tiranës e ka mbajtur të fshehtë ngjarjen dhe nuk ka bërë asnjë deklaratë për të.
Rasti u publikua në media falë denoncimit në Facebook nga ish-kryeministri Sali Berisha.
STATUSI I BERISHËS DJE
Përdhunohet nxënësja, fshihet krimi!
Ndaj përdhunuesve nuk merret asnjë masë, anëtarësohen në FRESSH-in kanabist.
Lexoni mesazhet e qytetarëve dixhital! sb
Doktor përshëndetje. Jam një zonje nga Kavaja. Dua të denoncoj mënyrën flagrante se si drejton sot ZA e Kavajës zonja Sonila Peza. Prej 2 muajsh në shkollën 9-vjeçare “Rilindja” 8 nxënës të asaj shkolle kanë përdhunuar një vajzë. ZA dhe drejtoresha e saj nuk kanë mare asnjë masë për këtë skandal. Kemi frikë të çojmë fëmijët në shkollë. Këto janë drejtoreshat e shkollave te rilindjes. Ju lutem publikojeni.
Përshëndetje doktor Berisha. Në shkollën 9-vjeçare “Rilindja “Kavajë përpara 1 muaji u përdhunua nga një grup prej 8 djemsh një vajzë 13-vjeçare. Kjo ngjarje është mbajtur e fshehte nga të gjithë instancat. E gjithë qyteti e di. Respekte. Ju lutem anonim pasi ju e dini sh mirë se çfarë ndodh më pas.
