Kapiteni legjendar i Kombëtares kuqezi, Lorik Cana, është padyshim një nga personalitetet e spikatura të futbollit tonë dhe do të mbetet i përjetshëm në memorjen e çdo tifozi shqiptar.
Zyrtarisht në pension, si futbollist, që nga prilli 2017, pas një angazhimi përfundimtar te FC Nantes dhe tani i është fokusuar 100% biznesit.
Megjithatë, nuk mund ti ndahet lojës magjike të futbollit dhe nuk lë rast pa shfrytëzuar për të pasur kontakte me topin.
Së fundmi, në një video të publikuar në Instagramin e tij, Loriku shihet bashkë me imamin e njohur, Elvis Naçi.
Edhe ky i fundit, një ish-futbollist në rini, shfaqet duke luajtur brenda ambienteve të një qendre tregtare së bashku me Canën.
“Për ekipet e pakënaqur me merkaton dimërore, keni dy lojtarë të lirë”. – shkruan Cana në postimin në INSTAGRAM.
