Endri Hasa, deputeti i Partisë Demokratike i cili në fillim të sezonit të ri parlamentar goditi kryeministrin Rama me vezë në Kuvend, është shprehur se këtë akt do ta bënte sërisht pasi e kosideron si një amanet të studentëve dhe protestës së tyre.
Sipas deputetit “aksioni” I vezëve nuk është I fundit.
Hasa, në një intervistë për Politika Online, në Gazetën Shqiptare thotë se kalimi i kordonit të sigurisë në Kuvend me vezë nuk ishte i vështirë, pasi në sallën plenare nuk lejohen sendet metalike.
Deputeti Hasa shprehet se situata aktuale duhet ta detyrojë Kryeministrin që të dëgjojë kërkesat e qytetarëve dhe t’i përmbushë ato.
