Nga Boldnews.al
Kryeministri Edi Rama në lëkundshmërinë e theksuar politike dhe jo vetëm, në raport me SHBA-në konsiderohet njeriu më i pabesueshëm. Tre ditët e fundit, dukshëm në një situatë tensioni, Edi Rama pasi shpalosi në Parlament atë që në të vërtetë është brenda tij, edhe pse u mundua të theksonte se doli nga vetja…, po vijon me kartën se është “pro amerikan”.
“Na thuaj pak a ka madam Basha aksione në bankën Offshore Abi Bank”-iu drejtua Berisha kryeministrit, një pyetje që solli reagim skizofrenik të Ramës. “Ti je njeri që je marrë me gratë, vajza, nipa mbesa e kë sje marrë, je njeri që nuk ke kanun, ligjk, gruas time dhe familjes time i ha ato që nuk thuhen”, u shpreh kreu i qeverisë.
Rama në syrin publik mund të ketë ngjarë i sulmuar sepse iu prek familja, por reagimi i tij lidhet pikërisht me pasigurinë që ka në raport me mbështetjen amerikane. Kjo është vënë re nga disa shkrime investigative të “Zërit të Amerikës”, që nxjerrin zbuluar qeverisjen dhe vetë Ramën, duke i hapur portën hermetike të korrupsionit dhe lidhjeve më krimin e organizuar. Gjithashtu e shkuara e bashkëshortes në trasnferta apo depuzita të dyshimta të bankës që ishte në bordin drejtues mund të jenë edhe më të zeza sesa vetë akuzat politike me sufiçit mes liderve tanë.
Për të dhënë perceptimin se ai është “i preferuaria” i politikës drejtuese amerikane, Rama po hedh në “Tregun e Ruskovecit” idenë se po mbështet politikisht si lider rajonal. Mund të jetë kryeministri i vetëm në botë që bën publike bisedën telefonike me Këshilltarin e Presidentit Amerikan, duke e shituar atë si “bashkëbisedim me Shtëpinë e Bardhë”… Po kush është kryeministri Edi Rama në raport me qëndrueshmërinë politike ndaj Amerikës? Nuk mund të harrohet kurrë ai moment kur ai, i bindur në fitoren e kandidates demokrate Hilari Klinton lëshoi akuza të rënda ndaj Donald Trump.
“Unë e kam thënë hapur atë që mendoj për Donald Trump dhe nuk e kam fare problem që ta përsëris, as në shqip dhe as në anglisht. Donald Trump është kërcënim për Amerikën dhe është kërcënim edhe për marrëdhëniet shqiptaro-amerikane. Mos e dhëntë Zoti që amerikanët ta zgjedhin President, sepse do të ishte një President që do ti bënte dëme të mëdha Amerikës dhe do ishte një kërcënim real për marrëdhëniet shqiptaro- amerikane”. Këto ishin fjalët e kryeqeveritarit tonë, i penduar dhe shprehur pamjen e një “qeni të rrahur” sapo mësoi rezultatin final se “Zoti” nuk ia dëgjoi lutjet dhe Trump u bë president i SHBA-së. Tashmë I duhet ndërrim kursi e nënshtrim për të fituar simpati.
Dikur në rininë politike, si një piktor “shëtitës”, Rama deklaronte se ishte i gatshëm të shiste trupin për një vizë greke, ndërsa sot që ka çdo pushtet të mundshëm, ngjan i gatshëm të “shesë Kosovën” për të rifituar një vend në qoshëzen e Shtëpisë së Bardhë.
Rama si kryeministër i Shqipërisë dhe Hashim Thaçi si President i Kosovës janë shprehur pro një marrëveshje Serbi-Kosovë, që siguron njohjen reciproke, por me një kosto të rëndë. Në terminologjinë “korrigjm kufijsh”, Thaçi dhe Rama nënkuptojnë të jepet Mitrovica e Veriut Serbisë dhe të përfitohet një pjesë nga Lugina e Preshevës. Kjo ide ka qarkullur fort në ambientet Ruso-Serbe, të mbështetura edhe nga “Lozh Soros”, një hije e padukshme që luan zhvillimet politike sidomos në vendet me personazhe politik të karakterit Rama.
Megjithatë kryeqeveritari ynë, që nuk lë opsion propagandistik për ta konsideruar veten si “atdhetar”, është i gatshëm të bëjë pazare bashkë me Thaçin në dëm të territoreve të Kosvës. Këtë nismë e lidhin edhe me një politikë që sipas tyre nxitet nga partneri strategjik SHBA. Fundi i kësaj lëvizje të rrezikshme ka kosto të rënda jo vetëm për Kosovën dhe Shqipërinë, por gjithë rajonin, për aq kohë sa termi “korrigjim kufijsh” do nisë të përhapet edhe në shtete të tjera.
Kjo mund të jetë një nga arsyet që Berlini zyrtar dhe veçanërisht Merkel, ia kanë mbyllur përfundimisht derën Edi Ramës, ndaj po kërkon një “dritare” të vogël të futet në Shtëpinë e Bardhë, me një kosto të paparashikueshme, siç është ndarja e Kosovës.
