Gjendet i vdekur Ded Shkreta, 63-vjeçari i zhdukur prej datës 25 janar të këtij viti.
Ai është gjetur i pajetë në fshatin Adriatik, pranë Mamurrasit, në një kanal. Nga kqyrja paraprake nuk janë konstatuar shenja dhune, bëri me dije policia.
“Sot, rreth orës 15:57, në fshatin Adriatik në Kurbin, në një parcelë është gjetur pa shenja jete shtetasi D.Sh., 63 vjeç, banues në Mamurras, i cili ka qenë larguar nga banesa që nga data 25 janar 2019. Ai merrte mjekim për shkak se vuante nga sëmundja e sklerozës. Nga kqyrja paraprake nuk janë konstatuar shenja dhune. Pritet ekspertiza mjeko-ligjore për përcaktimin e shkakut të vdekjes. Grupi hetimor vazhdon hetimet në vendngjarje për sqarimin e plotë të situatës”, thuhet në njoftimin paraprak të policisë.
Familjarët e tij e shpallën në kërkim në një emisionin televiziv pak ditë më parë, duke kërkuar ndihmën e qytetarëve.
/Boldnews.al/
