Policia e Tiranës ende nuk asnjë person të ndaluar për vrasjen e ish- policit Arben Bilali, mesditën e 30 janarit në zonën e Selitës, në kryeqytet.
Materialet u referuan në prokurorinë e kryeqytetit nga Oficer të Policisë Gjyqësore për nenin 78 të Kodit Penal me akuzën, “Vrasje me paramendim”, duke u regjistruar dosja pa autor, thanë burime policore.
Menjëherë, pas krimit në Drejtorinë e Policisë së Tiranës u morën në pyetje edhe anëtarët e familjes Xhabafti, të cilët mohuan përfshirjen e tyre në krim, duke dhënë si alibin edhe pamjet filmike se, ku ishin në ato moment kur kishte ndodhur ngjarja. Edhe pse janë sekuestuar më shumë se 20 kamera sigurie si, të bizneseve të zonës së Selitës e, po kështu, në rrugën “Safer Konda”, ku jetonte ish-polici me familjen e tij, përsëri grupi hetimor e ka të vështirë që të përftojë identifikimin e ekzekutuesit.
Nga ato pak pamje që janë të vlefshme, atentatori ka qëlluar nga një atomjet tip Mecedes Bens, S Class i zi, i cili ka qenë i maskuar, duke e bërë të pamundur identifikimin. Gjithashtu rreth 1 km nga vendi i krimit, mjeti luksoz ka ndërruar targat false e dyshohet se më pas ka ndjekur intenerarin për t’u larguar nga rruga e vjetër e Ndroqit.
Burimet nga policia e Tiranës janë të rezervuara, teksa ekzekutimi i Bilalit dyshohet lidhet me hakmarrjet e vjetra që viti 1994. Për mënyrën se si u ekzekutua ish-polici, ekspertët e krimeve në policinë e Tiranës, pohojnë se atentatorët kanë qenë profesionistë. Ata kanë ndjekur në detaje lëvizjet e viktimës, duke mos i dhënë asnjë mundësi kundërpërgjigjeje, e më pas u larguan pa lënë shumë prova materiale. Në Laboratorin e Policisë Shkencore u dërguan për ekspertizë balistike gëzhojat e gjetura në vendngjarje për të vërtetuar nëse arma e krimit është përdorur në ndonjë tjetër ngjarje kriminale apo jo.
