Prej dy ditësh Alesia Bami nuk është më pjesë e emisioni investigativ “Stop”.
Shkak për pushimin nga puna ka qenë se nuk ka marrë leje për të dhënë një intervistë ku ishte e ftuar në telvizionin rival, Top Channel. Alesia ishte e ftuar në emisionin e pasdites “Ftesë në 5”, gjë që i ka kushtuar dhe vendin e punës.
Përmes një postimi në rrjetet sociale Alesia Bami ka treguar se është pushuar me një sms brenda ditës.
“Të dashur miq! Ashtu siç e keni vënë re dhe ashtu siç kanë shkruar portalet unë nuk jam më pjesë e emisionit ‘Stop’. Kjo për faktin e vetëm se dhashë një intervistë në ‘Top Channel’ dhe më larguan nga puna në mënyrë flagrante me një mesazh. Kjo tregon nivelin e atyre që janë punëdhënësit tonë dhe sa të mbrojtur nga ligji janë punonjësit e mediave, ku nuk respektohet asnjë kontratë pune, aq më pak Kodi i Punës. Sigurisht, që nuk jam as e para as e fundit. Jam e detyruar ta bëj këtë sqarim për gjithë publikun tim dhe gjithë ata që më kanë shkruar dhe suportuar pa fund. Së shpejti do të shihemi në një projekt të ri”.-shkruan Alesia.
