Policia e Lezhës bën me dije me anë të një postimi se ka vënë në pranga Kol Rregji, 55 vjeç, banues në Mirditë, i shpallur në kërkim kombëtar, i dënuar me 4 vite burg.
Ai akuzohet për kultivim të bimëve narkotike. Gjykata e Shkallës së Parë Lezhë ka lënë në fuqi vendimin e Gjykata e Apelit Shkodër për dënimin me 4 vite burg.
Njoftimi i Policisë
Lezhë – Ndalohet një tjetër shtetas i shpallur në kërkim kombëtar, i dënuar me 4 vite burg Forcat policore të Komisariatit të Policisë Mirditë, pas një pune hetimore të mirëorganizuar, kapën shtetasin e shpallur në kërkim kombëtar : – Kol Rregji, 55 vjeç, banues në Mirditë Ky shtetas është dënuar me 4 vite burg nga Gjykata e Shkallës Parë Lezhë, lënë në fuqi nga Gjykata e Apelit Shkodër me vendim të datës 11 Prill 2018, për vepren penale ” Kultivim i bimëve narkotike”. Ngjarje e ndodhur në gusht të 2015, ku në parcela pronë të tij, janë konstatuar të kultivuara bimë narkotike cannabis sattiva.
