Ndërsa sot Gent Cakaj, zv.ministri i Jashtëm, me kompetencat e ministrit zhvilloi takimin e parë në nivel ndërkombëtar në Bukuresht, ku ranë në sy emocionet që ai kishte, homologu i tij serb Ivica Daçiç, ka bërë një veprim të papritur. Ai në një moment ku të gjithë përfaqësuesit ishin bashkë, i drejtohet Përfaqësueses së Lartë për Politikën e Jashtme dhe të Sigurisë të BE-së, Federica Mogherinit dhe i puth dorën.
Daçiç, i njohur për sjelljet e tij prej xhentëllmeni, vijon lobimet në BE për t’i bërë presion Kosovës që të heqë taksën ndaj mallrave serbe.
Ndonëse i erdhi papritur e pakuptuar, zonja Mogherini nuk e ka hequr buzëqeshjen nga fytyra.
