Kanë dalë detaje të reja lidhur me takimin e anuluar të Ministres së Arsimit Besa Shahini në Shkodër. Ndryshe nga sa u raportua më herët, Shahini ishte në sallën e universitetit “Luigj Gurakuqi”, por të rinjtë nuk pranuan diskutim pa pranin e kamerave.
Tre student, duke folur pas largimit të Shahinit, u shprehën se tentativa e Shahinit ishte më shumë një shfaqje teatrale, sesa një takim serioz për të diskutuar për problemet e Arsimit të Lartë.
“ Sot ndodhi ajo që nuk pritej të ndodhte. Përveçse nuk u dënjuan studentët për tu takuar nga ana e Ministres ndodhi një incident i padëshiruar nga ana jonë dhe ana juaj. Ne kërkuam transparencën e pyetjeve tona, ne nuk kishim ardhur këtu për të bërë pazare me Ministren as me Rektorin Bekteshi. Kërkuam praninë e kamerave dhe kamerat nuk u pranuan. Mesa duket kjo ndikoi që të ndodhë një precedent i paparë. Ministrja braktis takimin, nuk pranon kamerat dhe nuk dënjon të takojë studentët”, deklaroi një student.
“Ky është fakti më i bukur që studentët e Shkodrës të kuptojnë se në pamundësi për të paraqitur një shfaqe teatrale në favor të qeverisë ndodhi kjo perlë që Ministrja në një takim të pronotuar me lajmërim që studentët të jenë aty largohet dhe braktis studentët me gjithë pyetjet që kishin për ti drejtuar.Pse? Se pyetjet dhe përgjigjet e saj do ti dëgjonte gjithë Shqipëria. Kjo dëshmon më së miri dështimin e kësaj qeverie dhe kësaj Ministreje që është thjesht dhe vetëm bashkëpunëtore e Ministres paraardhëse. Këta janë të parët për fasada.Ligji i arsimit të lartë është ligj klientelist për këtë arsye ata nuk pranojnë të deklarohen. Të rrojë sistemi i tyre, studentët këtu prapë janë të vendosur dhe ne presim vetëm nëse ata janë të vendosur të bëjnë reforma konkrete dhe në shërbim të studentëve”, u shpreh një i ri per ‘Ora Neës.
Shahini, pas takimi u shpreh e keqardhur që u anulua takimi, megjithatë shtoi se do të jetë gjithmonë në e gatshme për të diskutuar me studentët.
