Publikohet foto e 50-vjeçarit, Arben Bilali, që u vra sot pak metra larg shtëpisë së tij në Selitë. Bilali, ish-efektiv policie u qëllua me automatik nga dy persona që lëviznin në një “Benz” të zi, të cilët dyshohet se janë vrasës me pagesë.
Familja e tij ishte prej kohësh në konflikt me një grup që vepron në zonën e Selitës, e pikërisht për shkak të këtyre konflikteve janë vrarë më parë edhe dy vëllezërit e Arbenit, Bujari dhe Leonardi, përkatësisht në vitin 1998 dhe 2010.
Policia ka shoqëruar disa persona për ngjarjen dhe po punon për kapjen e autorëve, të krimit që tronditi sot kryeqytetin.
