Kukësi nuk di të ndalet dhe është mbreti i merkatos së janarit në Superligën Shqiptare.
Pas afrimeve të Vasil Shkurtajt, Eduart Rrocës, Faton Xhemailit dhe Olsi Teqjes nuk kishte sesi të mos ruante dhe një ëmbëlsirë për në fund.
Valdet Rama është futbollisti i cili pritet të vihet nën urdhrat e trajneri Armando Cungu. “Supersport” raporton se palët e kanë arritur akordin dhe mbetet vetëm të hidhet firma mbi kontratë. Kërkesat financiare në fillim ishin të larta, por më pas është gjetur ai “mesi i artë” që Ramën e sjell në Superiore.
31 vjeçari, Valdet Rama nuk dihet sesi do të jetë performanca e tij në Superiore pasi ka kohë pa luajtur dhe që prej një viti është pa ekip. Gjithsesi cilësitë e ish-lojtarit të kombëtares nuk vihen në dyshim.
