Ngjarja e sotme ku u ekzekutua me tre plumba Arben Bilali merr përmasa edhe më dramatike, kur mësohet se viktimës i kanë vrarë edhe dy vëllezër. Raportohet se në vitin 1998 është ekzekutuar Bujar Bilali.
Një vit më pas Leonard Bilali. Ndërsa sot, Arben Bilali. Një përplasje e përgjakshme për krime seriale që lidhen me bandat famëkeqe të Selitës.
Mediat raportojnë se Arben Bilali pas vrasjes së vëllezërve ishte ngujuar. Por mesa duket, autorët kanë kohë që e gjurmojnë, dhe ia kanë dalë në një moment që viktima ka lënë banesën dhe është futur në makinën e tij.
