Fjalën hapëse në Asamblenë e Partisë Socialiste, Edi Rama e nisi duke ju referuar protestës së studentëve.
Kryeministri përsëriti qëndrim se protesta ishte një shuplakë për qeverinë, duke shtuar se studentët kanë të drejtën për të qenë të acaruar dhe se ai u kishte kthyer faqen tjetër.
“Na dhanë një shuplakë që mua më përvëlon si ditën e parë dhe unë zgjodha t’u kthej atyre faqen tjetër.
Ata kanë të gjithë të drejtën të jenë të acaruar me përderisa nga ne dhe askush tjetër presin shumë më tepër”, u shpreh Rama.
Kreu i qeverisë, shtoi më tej, “ky brez(studentët e sotëm) paguan sot për reformat që nuk u bënë kur këtë djem e vajza 20 vjecarë vinin në jetë. Është brez që vuan mundimet e tranzicionit që ne i kemi dhënë fund”.
Rama u shpreh gjithashtu se në shumë sektorë në letër ligji funksionon por ligjshmëria nuk pasqyrohet në jetën e përditshme.
“Universiteti ka ligjin në letër por ende ligjshmërinë në jetën e përditshme, në drejtësi e njëjta gjë, i kemi thënë fund tranzicionin dhe jemi në një fazë të ndërmjetme mes tranzicionit dhe fundit të tij”, theksoi Rama.
