Në Fletoren Zyrtare, është publikuar lista emërore e banorëve të “Unazës së Re” në kryeqytet, që përfitojnë dëmshpërblim për pronat e tyre të paluajtshme, që preken nga ndërtimi i projektit.
Janë gjithsej 128 banorë që përfitojnë dëmshpërblime për banesat e tyre, që preken nga ndërtimi i segmentit rrugor nga Pallati me Shigjeta tek Rreth rrotullimi i Sheshit Shqiponja.
Vlera totale e dëmshpërblimeve kap shifrën e 1 miliard e 180 milionë lekë, thuhet në Fletoren Zyrtare.
Ndërkohë, banorët e “Unazës së Re” vijojnë të protestojnë prej 54 ditësh. Ata kërkojnë rrëzimin e projektit që e cilësojnë korruptiv.
