Ngjarja e rëndë e ndodhur në Laparakë, ngjan si skenat e filmave. Erion Benga, 23 vjeç dhe e dashura e tij Griselda Gjikolaj, 17 vjeç sapo dolën nga një lokali dhe kanë hyrë në makinë, janë sulmuar me armë nga një 19-vjeçar nga Puka.
Për pasojë Erion Benga u plagos me dy plumba, një në qafë dhe një në shpatull ndërsa e dashura e tij 17 vjeçare humbi jetën. Ndonëse i plagosur, Benga vazhdoi të ngiste makinën dhe e çoi të dashurën e tij në spital por ajo nuk mundi t’i mbijetojë plagëve të plumbit që e goditi në kokë.
DINAMIKA E NGJARJES
Vrasja në Laprakë dyshohet të ketë patur si shkak konfliktin për ngacmimin e vajzave që ndodheshin në tavolinë me 23-vjeçarin e plagosur Erjon Benga. Mësohet se Benga ka qenë në lokal me të dashurën e tij që ishin lidhur prej 10 ditësh, 17-vjeçaren Griselda Gjikolaj e cila mbeti e vrarë nga të shtënat me armë.
Me 23-vjeçarin ishin edhe dy persona të tjerë, ndërsa autorët, njëri prej të cilëve është identifikuar si një i ri me origjinë nga Puka, ndodheshin në një tjetër tavolinë të lokalit te kompleksi Gintash. Pas ngacmimeve ndaj vajzave, Benga është çuar dhe ka shoqëruar në makinën e tij Griseldën dhe dy personat e tjerë.
Por në këtë moment janë çuar edhe autorët, të cilët me pistoleta i kanë ndjekur nga pas dhe i kanë qëlluar në momentin që do të futeshin në makinë. 17-vjeçaren e ka zënë një plumb në kokë ndërsa Benga u plagos me dy plumba, në shpatull dhe qafë. Dyshohet se gjithsej janë qëlluar katër plumba.
Pavarësisht plagëve, 23-vjeçari Benga e ka marrë 17-vjeçaren dhe e ka çuar në spitalin e Traumës, që ndodhet pak kilometra larg vendit të ngjarjes. Me të mbërritur në spital ajo ka ndërruar jetë.
Emri autorit nuk është bërë ende me dije, por policia njoftoi se e ka identifikuar. Autori raportohet se është një 19-vjeçar jeton në Laprakë pranë vendit të ngjarjes. Policia ka shkuar për kontroll në banesën e këtij të fundit, por nuk është gjetur në shtëpi.
