Viktima e atentatit të së mërkurës në Laprakë, Briselda Gjikola ka pasur një histori të trishtë familjare.
Nëna e saj, humbi jetën kur ajo ishte vetëm 14-vjeç, ndërsa i ati e braktisi duke emigrur në Itali duke e lënë atë të përkujdesej dhe për vëllanë e motrën më të vogël.
19-vjeçarja ndodhej në makinë së bashku me të dashurin, Erion Bengo kur u qëllua me plumb në kokë, nga një 19-vjeçar i identifikuar nga policia dhe i shpallur në kërkim.
Hetimet kanë zbuluar se 10 ditë më parë ai ishte konfliktuar me Erion Bengon për shkak se kishte ngacmuar 17 – vjeçaren dhe Bendo e kishte qëlluar me shuplakë.
Sipas policisë, objektiv i atentatit ka qenë 23 – vjeçari Bengo që mbeti i plagosur bashkë me të dashurën e tij. Edhe pse i qëlluar me plumba në qafë e në shpatull, Bendo ka mundur ta transportojë vetë të dashurën e tij në spital, ku ajo humbi jetën. Vetë Bendo është jashtë rrezikut për jetën.
