Cristiano Ronaldo bëri më të mirën e tij për t’i ushtruar sado pak presion arbitrit në fitoren e Juventus ndaj Roma-s teksa qëndroi pranë vijës anësore duke vështruar arbitrat e ndeshjes që po konsultoheshin me VAR.
Gjatë fundit të takimit, të cilin Juve e fitoi 1-0 të shtunën, Douglas Costa-s iu anulua një gol nga teknologjia.
Gjithsesi, përpara se arbitri të merrte vendimin përfundimtar, video më poshtë tregon se si Ronaldo i shkoi pranë me krahët e vendosur pas shpine dhe me një shikim gjykues.
Ishte një veprim që ka shqetësuar arbitrin e katërt i cili i është afruar në tentativë për të shmangur lojërat psikologjike të portugezit.
