Falë një lidershipi të fortë kombëtar dhe reformave ambicioze, pjesa më e madhe e botës kanë parë një zgjerim në aksesin ndaj shërbimeve shëndetësore dhe veprime përmes politikave sociale, për të siguruar përballueshmërinë.
Por, jo nuk duket të jetë panorama për Shqipërinë dhe disa shtete të tjera, sipas një artikulli të fundit të Bankës Botërore (BB).
Gjysma e popullsisë së botës ende nuk mund të hyjë në shërbimet e nevojshme shëndetësore dhe 100 milionë njerëz jetojnë në varfëri ekstreme çdo vit për shkak të shpenzimeve shëndetësore, sipas hulumtimeve të fundit nga Grupi i Bankës Botërore dhe Organizata Botërore e Shëndetësisë (WHO).
BB, së bashku me OBSh, rikujtojnë për të gjithë politikëbërësit në botë, se arritja e objektivit 100 % akses për të gjithë popullatën deri në vitin 2030 është një angazhim global në kuadër të Qëllimeve të Zhvillimit të Qëndrueshëm.
“Është gjithashtu çelësi për përmbushjen e qëllimeve të dyfishtë të Grupit të Bankës për t’i dhënë fund varfërisë së skajshme dhe për të rritur prosperitetin e përbashkët – këto nuk mund të realizohen për aq kohë sa miliona janë duke u varfëruar nga shpenzimet shëndetësore çdo vit. Sigurimi i shërbimeve të përballueshme dhe me cilësi të lartë është një sfidë për vendet në të gjitha nivelet e të ardhurave, pasi tregojnë të dhënat nga 183 vende të bazës së të dhënave të Grupit Bankar të Tregut të Barazisë Shëndetësore dhe Tregut të Mbrojtjes Financiare 2018 (HEFPI).”- nënvizon Banka.
Kostoja e kujdesit shëndetësor është një barrë e madhe financiare për familjet. Rreth 800 milionë njerëz shpenzojnë së paku 10 për qind të buxhetit të familjeve të tyre për të paguar për kujdesin shëndetësor, shpesh duke i detyruar ata të zgjedhin mes shëndetit të tyre dhe nevojave të tjera për familjen e tyre, siç janë ushqimi, taksat shkollore apo transporti. Nëse këto 800 milionë njerëz jetonin në një vend, ata do të përbëjnë popullsinë e tretë më të madhe në botë. Kjo barrë financiare shihet në të gjitha rajonet e botës, thekson BB.
Sipas një artikulli të mëparshëm, BB përllogariti se rreth 23 mijë shqiptarë janë në vështirësi financiare për të përballuar kujdesin kirurgjik. Sipas studimit më të fundit të Bankës Botërore, për pacientët shqiptarë, kirurgjia mund të jetë shumë e shtrenjtë, e papërballueshme për 0.8% të tyre, si dhe me pasoja të mëdha financiare më pas, edhe në rast se arrijnë ta kenë atë. /Monitor
