Ish-ministri i Drejtësisë, Ylli Manjani, thotë se ende nuk është bërë asgjë për zgjedhjet vendore të vitit të ardhshëm. Manjani shprehet se Ministri i Brendshëm bën mirë që ka futur në axhendë përgatitjen për zgjedhje lokale, por takimet mediatike me kryetar bashkish dhe prefektë nuk mjaftojnë.
Më tej, Manjani rendit katër pika që sipas tij mungojnë ende.
Postimi i plotë
Ende asgjë për zgjedhjet!!!
—————-
Ministri i Brendshëm bën mirë që ka futur në axhendë përgatitjen për zgjedhje lokale.
Por takimet mediatike me kryetar bashkish dhe prefektë nuk mjaftojnë.
Ende mungon:
- Një plan i qartë me masa konkrete se si do rinovohen 1.4 milionë karta identiteti që skadojnë deri datën e zgjedhjeve. As edhe një thirrje publike nuk kemi dëgjuar për këtë qëllim.
- Lidhja e kontratës me kompaninë private që siguron mirmbajtjen e Regjistrit Kombëtar të Gjendjes Civile. Ka mbi 1.5 vite që ky Regjistër nuk mirmbahet sipas rregullave dhe protokolleve të IT. Gabimet në lista mund të jenë të rënda.
- Sistemi i adresave që do përdoret për vendosjen e zgjedhësve në listën e zgjedhësve. Do jetë adresa e deklaruar në gjendjen civile, adresa e deklaruar tek formulari i OSHEE apo adresa dështake e kodit 10 shifror?!…
- Një plan konkret ndërhyrje për parandalimin e personave me precedentë penalë në intimidinin e zgjedhesve dhe në blerjen e votës.
Këto masa nuk kanë lidhje me Kodin Zgjedhor.
Nuk kanë lidhje as me takimet me përfaqësues vendorë.
Janë detyra ekskluzive të qeverisë dhe konkretisht e Ministrisë së Brendshme.
