Festat e fundvitit erdhën dhe shumë emigrant kanë preferuar që t’i kalojnë në Shqipëri.
Sipas ABC News, mbi 10 mijë udhëtarë kanë hyrë dhe dalë nga ky vendkalim kufitar gjatë fundjavës, ku prej disa ditësh punohet me kapacitet maksimal sportelesh. Në të dyja doganat, përpunimi i dokumentacionit të mjeteve dhe qytetarëve përfundon në pak minuta, duke eleminuar krijimin e radhëve, që kanë qenë të zakonshme, në periudha festash.
Një emigrant u shpreh për ABC News: “Shumë mirë kaluam, as gjysmë ore, unë isha nga Kosturi erdha direkt, fluks ka po punojnë 3 sportele”.
Pas disa vitesh të vështirë për Greqinë, emigrantët pohojnë se kanë rifituar stabilitetin ekonomik, çfarë ka bërë, që edhe koha e pushimit në atdhe të jetë më e gjatë.
Emigrantë: “Do rrimë 10 ditë. Kemi punë në Greqi. Punojmë nëpër fabrika, krasitje burrat”.
Autoritet doganore të Kapshticës, presin që fluksi i lëvizjeve të vijojë deri në natën e ndërrimit të viteve.
