Një ngjarje tragjike ka ndodhur ditën e sotme, ku një foshnjë 9 muajshe shqiptare ka humbur jetën në Greqi.
Ngjarja e rëndë ka ndodhur ditën e sotme në Kokino Pirgo në Kretë, ku foshnja djalë e një çifti shqiptarësh ndodhej nën kujdesin e gjyshes, ka humbur jetën, gjatë kohës që prindërit kishin shkuar të mbledhin ullinj.
Sipas mjekëve të spitalit për fëmijë në Iraklio, foshnja, që arriti në gjendje koma në qendrën shëndetësore të fshatit dhe u transferua urgjentisht në këtë spital, është mbytur nga send apo ushqim i papërtypur që i ngeci në grykë. Tragjedia ka shokuar mbarë ishullin.
