Pas shkarkimit gjatë kësaj jave nga Mançester Junajtid, hallet duket se nuk kanë fund për Hoze Murinjon. Ditën e sotme, është tabloidi “The Sun”, që i ka zbuluar një lidhje të fshehtë portugezit.
Siç raportojnë nga Anglia, Murinjo ka pasur një miqësi sekrete me një bionde 14 vite më të re se ai. Baba i dy fëmijëve, ish-trajneri i Junajtid është takuar plot 8 vite më parë, 41-vjeçaren Pru Karter-Robinson.
Disa foto të publikuara tregojnë miqësinë mes tyre, dhe faktin që shoqëroheshin në vende të ndryshme të botës. Ai ka qenë në kontakt me 41-vjeçaren, edhe gjatë kohës që ishte trajner në Mançester. Karter-Robinson, është një 41-vjeçare e pamartuar, ish-punonjëse në kompaninë IBM, dhe jeton në një shtëpi të madhe në Londrën veriore, shkruan Panorama Sport.
Vetë Hoze Murinjo, ishte në dijeni të faktit se “The Sun” kishte informacione për këtë lajm, dhe mbrëmjen e kaluar ishte përpjekur që këto foto dhe informacione të mos dilnin në publik. Murinjo ka 30 vite i martuar me Matilde Faria, me të cilën ka dy fëmijë dhe janë njohur kur ishin adoleshentë.
