BE Coffee emisioni humoristik që transmetohet brenda të Dielës shqiptare, kaloi sot një kufij të pa shkelur nga media shqiptare duke u tallur me tipologjinë e studentëve protestues.
Skeçi i Bes Kallakut që mbante dikur çantën e zezë të baba Takut, Erion Isait që e sulmoi aq shumë protestën e artistëve sa u bë drejtor i Teatrit Kukllave dhe Olsi Bylyku, skicuan një profil studenti, që flet gegnisht, që mban dy gishtat lart në formë V-je dhe që sillet si idiot ndaj ftesës për dialog.
Një profilizim të tillë të studentëve që janë veriorë dhe partiakë nuk e kishte imagjinuar as në ëndrrat më te çmendura as vetë lali Eri. Por atë e bënë realitet tre gallataxhinjtë që këtë të dielë ishin veshur me një stil politikisht të njohur.
Të tre me kostume dhe atlete./Lapsi.al
