Kryeministri Edi Rama është ndalur paraditen e sotme në konviktet e inxhinierisë, ku në total akomodohen rreth 500 studente.
I shoqëruar nga drejtoresha e konvikteve dhe me shumicën e dhomave ende të pakompletuara, Rama tha se brenda muajit mars kjo godinë do të akomodojë rreth 1 mijë studentë. Ajo që bie në sy është fakti se shumica e dhomave që Rama vizitoi ishin bosh.
Duket se pas dështimit me dialogun në Universitete Rama ka zgjedhur ditët e pushimit për të shmangur çdo përplasje të mundshme me studentet.
Shumica e të rinjve që akomodohen në konvikte janë larguar për në familjet e tyre prej ditës së djeshme.
Edhe pse Rama thotë se ky projekt është falë vullnetit të kësaj qeverie, marrëveshja me qeverinë gjermane është nënshkruar që në vitin 2011, kohë kur kryeministri aktual ishte ende në opozitë.
Reagimi i Ramës:
Në kantierin e konvikteve të Inxhinierisë së Ndërtimit (Rezidencat A/B/C dhe D), ku falë marrëveshjes me qeverinë gjermane, 1080 studentë do të akomodohen në kushte optimale, brenda muajit mars
Atyre që e kanë shkruar pikën 1 të 8 kërkesave të studentëve, u them se plani ynë për përmirësimin e kushteve në konvikte, ka nisur të zbatohet kohë më parë
Por nga ana tjetër, kjo pikë e artikuluar së fundmi, si një kërkesë e studentëve, është një shtysë e nevojshme për të ecur më shpejt
