Projektligji i Partisë Demokratike për vetingun u rrëzua nga Kuvendi.
Kryetari i Partisë Demokratike, Lulzim Basha, tha se mazhoranca nuk e pranon vettingun në politikë pasi për shumë prej anëtarëve të saj ky do të ishte fundi i karrierës politike.
Nga foltorja e Kuvendit, kreu i opozitës tha se vettingu në politikë është fillimi i çlirimit të parlamentit, qeverisjes dhe ekonomisë së vendit.
“Të nderuar qytetar këta nuk e duan vettingu për një arsye të thjeshtë, për shumë prej tyre është fundi i karrierës politike, por për Shqipërinë ky është fillimi i çlirimit të parlamentit, qeverisjes, të zgjedhjeve dhe të ekonomisë”, theksoi Basha.
Kreu i demokratëve i kërkoi mazhorancën që të votojë pro amendamenteve madje duke e ftuar që t’i hartojë ajo ligjet për vettingun dhe opozita do i miratojë vetëm me kushtin që ato të marrin miratimin e Komisionit të Venecias.
“Dua t’i bëj këtë apel të fundit që ta kalojnë këtë test moral, ta kalojnë këtë vetting në vetvete që është vota e sotme, këta që janë në të majtë, dhe të bashkohen me ne për të votuar amendamentet kushtetuese duke ju dhënë mundësinë që propozimet për ligjin e vettingut t’i bëjnë vetë e t’i sjellin vetë, ne do ti votojmë, me një kusht që të kenë miratimin e Komisionit të Venecias.
Të gjitha, mekanizmin e vettingut, propocionalitetin dhe çdo masë tjetër do ta pranojmë siç do ta propozoni ju një qoftë se ju votoni sot amendamentin kushtetues, me një kusht propozimet tuaja të kalojnë dhe të marrin miratimin e Komisionit të Venecias. Fjala është për ju”, u shpreh Basha.k
