Studentët do të protestojnë sot përpara Kuvendit të Shqipërisë në orën 10:00. Kjo është hera e dytë që ata e zhvendosin revoltën e tyre; hera e parë ishte një javë më parë, kur në parlament hyri edhe opozita për të mbështetur dy amendamentet e propozuara nga LSI-ja për t’i dhënë zgjidhje kërkesave të tyre.
Paraprakisht studentët do të grumbullohen në fakultetet e tyre në orën 8:30 si gjatë gjithë këtyre 16 ditëve dhe më pas do të marshojnë drejt Kuvendit.
